Twitter-ის თანადამფუძნებელმა ჯეკ დორსიმ მარკ ზაქერბერგი გააკრიტიკა ზაქერბერგმა Threads-ზე დორსის გამოწერის მოთხოვნა გაუგზავნა. "მეტისმეტად ადრეა" - უპასუხა დორსიმ
By Emily Rella
You're reading Entrepreneur Georgia, an international franchise of Entrepreneur Media.
Threads მარკ ზაქერბერგის ახალი სოციალური მედია პლატფორმაა, რომელიც Meta-ს საშუალებით შეიქმნა და მას Twitter-ის ზუსტ ასლადაც მოიხსენიებენ. ილონ მასკი Threads-ის გამო Meta-ს სასამართლო დავითაც კი დაემუქრა. ახლა კი პროცესებში Twitter-ის თანადამფუძნებელი ჯეკ დორსი ერთვება.
დორსიმ Twitter-ზე გამოაქვეყნა ფოტო, სადაც ჩანს, რომ ზაქერბერგი მას Threads-ზე გამოწერის ნებართვას სთხოვს. ამაზე კი დორსიმ საჯაროდ უპასუხა - "მეტისმეტად ადრეა". დორსის Tweet-ს, რომელსაც 7,5 მილიონზე მეტი ნახვა აქვს, გამომწერებისგან უამრავი რეაქცია მოჰყვა.
ჯეკ დორსი Twitter-ის დირექტორთა საბჭოდან 2022 წლის მაისში გადადგა, ხოლო აღმასრულებელი დირექტორის თანამდებობა ოფიციალურად 2021 წლის ნოემბერში დატოვა.
თავდაპირველად, დორსი მხარს უჭერდა მასკის მიერ კომპანიის შეძენას, მაგრამ მოგვიანებით პოზიცია შეიცვალა. Twitter-ის მსგავს პლატფორმაზე, Bluesky-ზე, დორსიმ თქვა, რომ მისი აზრით, მასკი კომპანიის სამართავად შესაფერისი ადამიანი არ იყო. მან ასევე დასძინა, რომ Twitter-ის საბჭომ გაყიდვის პროცესი დააჩქარა და როდესაც მასკი სათავეში აღმოჩნდა, ყველაფერი არასწორად წარიმართა.
ჯეკ დორსის საჯაროდ არ გაუკეთებია კომენტარი Threads-ზე, რომელმაც გაშვებიდან პირველი რამდენიმე დღის განმავლობაში 100 მილიონზე მეტი ახალი მომხმარებელი შეიძინა.
"Twitter-ი არასოდეს ყოფილა ისეთი წარმატებული, როგორიც უნდა ყოფილიყო და ჩვენ ამის გაკეთება სხვაგვარად გვსურს", - განაცხადა ზაქერბერგმა Threads-ის გაშვების შემდეგ.
